معروف پاکستانی فنکار اور میزبان، احسن خان نے بھی ثنا جاوید کی شعیب ملک کے ساتھ دوسری شادی پر اپنی رائے ظاہر کر دی ہے۔
احسن خان حال ہی میں ایک نجی ٹی وی شو میں مہمان کے طور پر شرکت کرتے ہوئے، مختلف موضوعات پر بے باکی سے اپنے خیالات کا اظہار کرتے نظر آئے۔
شو کے دوران جب ان سے ثنا جاوید کی شادی کے بارے میں سوال کیا گیا، تو انہوں نے ثنا کی دوسری شادی کے لیے ان کے لیے دلی خواہشات کا اظہار کیا۔
احسن خان کا ماننا ہے کہ شادی کرنا کوئی عیب نہیں ہے، اور لوگوں کو چاہیے کہ وہ ثنا کی دوسری شادی کو بغیر کسی منفی رویے کے قبول کریں۔
یاد رہے کہ شعیب ملک نے حال ہی میں ثنا جاوید سے شادی کی خبریں اور تصاویر جاری کر کے سب کو چونکا دیا تھا، جس پر سوشل میڈیا کے صارفین نے کافی ناراضگی کا اظہار کیا تھا۔